Primeira novela da Triloxía medieval do autor

Unha novela sobre a construción do grandioso e impoñente castelo de Loarre. O soño duns homes e mulleres que desafiaron o seu destino fai mil anos.
Entre a Terra Chaira e o Pirineo aragonés atópase o monumento militar románico máis importante de Europa: o castelo-abadía de Loarre, unha fortaleza impresionante, construída cando esa zona era unha perigosa terra de fronteira. Como se edificou? Quen logrou tal fazaña?
Todo comezou cando un aguerrido monarca, o rei Sancho III, decidiu levantar unha fortificación nunha recóndita serra, pouco poboada e desde a que se podía avistar ao inimigo musulmán a dez quilómetros de distancia. E coa promesa dun futuro mellor, atraeu a un grupo de homes e mulleres para quen a supervivencia era unha heroicidade cotiá.
Entre eles, un mestre de obras lombardo; Juan o carpinteiro e o seu fillo Fortún; Ava a seteira; Javierre, un raparigo cuxa ambición creceu á vez que o castelo; e un sacerdote fiel ao vello rito hispánico, acompañado da intelixente e misteriosa Eneca.
E cos seus escasos medios e coñecementos, lograron superar as limitacións que lles impoñían a ignorancia e o poder ata culminar a fortaleza relixiosa e militar desde a que se xestou un dos máis importantes reinos medievais, clave da Reconquista. Esta é a súa epopea.