Esta obra converteuse nun fenómeno mediático, non só pola calidade dos seus debuxos e polo relato dun episodio moi importante da Historia universal máis recente, senón tamén polo retrato psicolóxico dos protagonistas e a maneira orixinal e chea de simbolismo coa que plasma os recordos do seu pai. Grazas a isto, gañou o premio Pulitzer no ano 1992 e foi obxecto dunha exposición no MoMA de Nova York.

I. O meu pai sangra historia. -II. E aquí comezaron os meus problemas.

Maus é a biografía dun xudeu polaco supervivente dos campos de exterminio nazis contada a través do seu fillo Art, un debuxante de cómics que quere deixar memoria da aterradora persecución que sufriron millóns de persoas na Europa sometida a Hitler e das consecuencias deste sufrimento na vida cotiá das xeracións posteriores.