Trátase dun compendio con moitas das reflexións que o autor foi expoñendo na súa dilatada traxectoria profesional, de máis de 30 anos, sobre a relixión , un dos inventos que, nas súas propias palabras, “conforman o peor da historia criminal da humanidade”. Ollo: o autor subliña que “non é un libro de humor”. E engade: “É, simplemente, o resultado lóxico de pasar a fe polo filtro da razón. Se coa súa lectura caes na tentación de rirche, só tes que pensar nas incontables fogueiras, instrumentos de tortura, cárcere, asasinatos, represión do progreso e inxustizas sen conto que os seus sacerdotes puxeron en marcha contra as súas congéneres ao longo da Historia.