Imaxina un mundo no que unha vasta rede de incels e outros misóxinos son capaces de operar practicamente sen ser detectados. Estes extremistas cometen actos terroristas deliberados contra as mulleres. Os adolescentes vulnerables son adestrados e radicalizados. Non tes que imaxinar ese mundo, xa vives nel. Quizá non o saibas porque non nos gusta falar diso, pero xa é hora de que empecemos. Neste libro urxente e innovador, Laura Bates, autora de varios best sellers e fundadora do Proxecto Sexismo Cotián, penétrase na clandestinidade para sacar á luz vastas redes e comunidades misóxinas. Unha inmersión profunda no extremismo mundial. As súas entrevistas con membros destes grupos e coas persoas que loitan contra eles ofrecen unha visión única do funcionamento deste movemento. As ideas difúndense desde os recunchos máis escuros da internet —a través de trolls, medios de comunicación e celebridades— ata as escolas, os lugares de traballo e os corredores do poder, pasando a formar parte da nosa conciencia colectiva. Sen censura, e ás veces tan chocante como aterrecedora, esta é a incómoda verdade sobre o mundo en que vivimos. E sobre o que debemos facer para cambialo.

Adultos/as