James é un libro fascinante, unha reescritura das Aventuras de Huckleberry Finn de Mark Twain desde o punto de vista de Jim, o escravo. Cunha intelixencia abraiante Percival Everett é capaz de derrubar as absurdas barreiras do racismo. Sentimos a igualdade natural nesta aventura e entendemos que o roubo da linguaxe é fundamental en calquera tipo de escravitude. Nese sentido James resoa no noso presente. James é o nome da dignidade. O escravo visitou de forma clandestina a biblioteca do seu amo e aprendeu a ler e escribir. Cando se entera de que o venderon e o van separar da súa muller e da súa filla decide escaparse. Nesa aventura axitada acompáñao Huck. Os dous convértense nunha parella de personaxes que se necesitan mutuamente non só para sobrevivir, tamén para coñecerse e manter certa humanidade. A linguaxe é fundamental neste libro de lectura trepidante construido casi enteiramente a través do diálogo.