Todos os días limpo a preciosa casa dos Winchester de arriba abaixo. Recollo á súa filla do colexio e preparo deliciosas comidas para toda a familia antes de subir a cear soa na miña minúscula habitación do piso superior.
Intento non prestar atención a Nina cando o ensucia todo simplemente para ver como o limpo. Ás estrañas mentiras que conta sobre a súa propia filla. Ao seu marido, que cada día parece máis abatido. Pero cando miro a Andrew aos ollos, marróns, encantadores e cheos de dor, non me resulta difícil imaxinar como sería vivir na pel de Nina. O gran vestidor, o coche de luxo, o esposo perfecto.