O naufraxio dun pesqueiro, un Vigo fantasma e a morte que espreita: Un novo mestre do thriller atmosférico.

No 2022, o pesqueiro Alacrán afundiu nas costas canadenses tras un forte temporal marítimo e só sobreviviron dous dos seus vinte e catro tripulantes. Despois do inicio do xuízo para esclarecer as causas, aparece morto Raúl Barros, o presidente do conglomerado empresarial propiedade do pesqueiro, xunto á súa única filla, coa que facía tempo que non falaba. A partir dese momento desátase unha complicada trama corporativa na que os membros da xunta directiva da navieira galega loitarán polo control da compañía. O inspector Tristán Negreira e a subinspectora Virginia Almada, do Grupo de Homicidios da Policía Nacional de Vigo, serán os encargados de investigar o dobre crime, cuxos motivos se remontan moito tempo atrás.

Unha abafadora novela negra, escrita por un novo autor de thriller policial atmosférico e ambientada na costa norte, que parte dun feito real: un desgraciado suceso que tivo lugar no Canadá e que na sociedade galega segue moi presente.