Unha novela que captura a enerxía dos vinte anos e a intensidade, o caos e a torpeza das primeiras veces.

Rachel é unha universitaria irlandesa que traballa nunha librería para pagar a carreira. Alí coñece a un mozo da súa idade, James; non tardarán moito en facerse íntimos amigos e animarse a compartir un piso tan barato como desastroso. Ambos buscan abrirse camiño na Irlanda da Gran Recesión mentres xestionan as súas caóticas vidas: James está farto de que a xente pense que non quere saír do armario e Rachel fantasía sen parar co doutor Byrne, un profesor casado ao que tenta seducir cun arriscado plan de imprevisibles resultados.

Cunha mirada tan intelixente coma cómica, Caroline O’Donoghue adéntrase nas aspiracións, tolemias e torpezas da mocidade para construír unha entrañable oda á enerxía dos vinte anos, ás amizades que forxamos entón e que deixan unha pegada permanente. O factor Rachel captura como poucas novelas os praceres e os desgustos desta etapa, a intensidade dos primeiros amores e o desconcerto no que nos some o paso á idade adulta.

Adultos/as